Prynhawn Da,
Gobeithio eich bod chi gyd yn cadw’n dda ac wedi dad-flino o’r holl addurno!
Ma’i wedi bod yn bleser pur dros yr wythnos ddiwethaf i drafeilio o gwmpas gyda’r beirniaid yn gweld pob Ysgol wedi ei haddurno’n goch, gwyn, a gwyrdd a thu hwnt!
Dylai pob disgybl, athro, ac athrawes fod yn hynod falch o’r hyn maent wedi ei chyflawni dros yr wythnosau diwethaf, a dyma wahoddiad i chi fel ysgolion y sir rannu’ch addurniadau ar y cyfryngau cymdeithasol os nad ydych wedi’i wneud yn barod!
Mae ein beirniaid, Heledd Owain Jones a Delyth Williams wedi cael cryn fwynhad yn mynd rownd yr ysgolion, a dyma air bach ganddynt i bob Ysgol:
Diolch o galon i bawb a fu wrthi mor brysur yn addurno’ch ysgol. Roedd safon y gystadleuaeth hon mor, mor uchel, a phob ysgol wedi mynd i gymaint o ymdrech ac yn werth eu gweld! Cawsom wledd i’r llygaid ym mhob ysgol gyda’r coch, gwyn a gwyrdd yn llenwi’r lle. Roedd hi’n amlwg bod cydweithio a chynllunio mawr wedi mynd i’r addurno a roedd syniadau gwreiddiol i’w gweld ym mhob ysgol. Braint oedd cael ymweld a phob un ysgol a diolch i chi gyd am y croeso cynnes a’ch gwaith eithriadol o galed yn addurno. Llongyfarchiadau i’r dair ysgol a ddaeth i’r brig.
Hawdd fyddai wedi bod i roi cyntaf i bob Ysgol, ond am mae cystadleuaeth oedd hi, roedd rhaid dewis 3 ysgol. Felly, dyma’r ysgolion yn ol y beirniaid sydd wedi dod i’r brig:
1af. Ysgol Pentrecelyn
2il. Ysgol y Llys
3ydd. Ysgol Carrog
Llongyfarchiadau mawr i’r dair Ysgol yn arbennig, ond hefyd i bawb a gymerodd rhan!
Os nad oedd eich Ysgol chi’n fuddugol, peidiwch a phoeni, nid dyma lle mae’n gorffen. Rydym wedi bod mewn trafodaethau hefo Adran yr Eisteddfod a’n gobeithio y bydd pob Ysgol yn cael darparu un addurn, boed yn faner, arddangosfa, bel mawr, palet pren neu hyd yn oed papur toilet i’w harddangos yn y Babell Groeso yn ystod wythnos yr Eisteddfod. Mwy am hyn i ddilyn!
Llongyfarchiadau mawr i bawb unwaith eto!
Ioan
Ioan Wynne Rees
Urdd Gobaith Cymru
Swyddog Prosiect Eisteddfod Sir Ddinbych / Denbighshire Eisteddfod Officer | Uned 2 Tŷ Panton | Neuadd Panton | Dinbych | LL16 3TL
01745 818603
07976 003325